Viadje d’environ 1200 âmes, à t’chfau su l’grand ligne Bruxelles – Luxembourg à l’ limite dol Famenne au Nord di l’Ardenne des aûtes costès.

 

I l’est borné pas qwat’gros hourlais li Poray, l’Horzai, li Fay’geais et Tchanty et traversè do Sud au Nord pal l’Homme, gonfleye pa treu richots, li Ry Beni qui s’a fait maquet à Lesterny, li Brandoye qui s’a fait souké à Ambly et l’Ry Dol Fosse qui vint des campagnes d’Ambly do costè d’Harsin.

 

One grand’route Wavreille – Nassogne li compe è deux, tandis qu’one aûte Jemelle – St-Hubert li paut’ dins l’aûtsens ; i gn’a des embranch’mins qui minè à Lesterny, à Rotchfoir èt dins plusieûr directions surtout dispoye li r’membremin qua améliorè les vôyes.

 

Ancienn’min, i gnavév deux Forrîr, St-Martin do costè d’Wavreille et Notre-Dame, pa Ambly, limitès pa l’Homme, li pont des Battes n’existant nin.

Les curès des paroisses vèjennes vin’nin tchantè les offices din les tchapelles qu’estin bâties à l’emplacemint des oratoires actuels qu’estin entourè di c’mintir dont certain’ tombes on sty incrustéy din l’mur di l’ancienne sicole des gamins, asteur dèmolie.

 

Les tchertys allin don hameau à l’aute en passant li Lhomme d’où qui l’pont do terrain d’football est bâti, on r’traversé’v li rivier dry l’maujon Maxime Labiousse au Basteau, one vôye longév ci propriètè-la èt allèv ridjonte li vôye di Tchanty en face dol maujon da Gustave Laguesse.

 

I faut notè qui li tchmin d’fier n’existév’nin, tandis qui l’route di Wavreille discindév’ cont’ li maujon Mossay, passév d’où qu’li tchmin d’fier passe, è pu d’vant l’ancienne èglije, qu’a sty dèmolie po d’nèt one vue imprenable au presbytère ; rattrapév’li vôye qui longe li c’mintire dispôye li pi des vallées d’où qui r’djondév’ li vôye do Basteau qu’a sti compée pa l’grand’route quand on z’a bâti l’gare.

 

Cit’cil a sty brâmint pu importante : elle a sty agrandie après l’guinre di 14-18 avou one dijin’ne di vwè d’garadg’è on grad quai di chargemint qui r’ciev des milliers d’mètr’cub di bwè, surtout des sapins, d’où qui l’estin débitè et tchardgè à wagon, occupant ainsi plusieurs ovris.

Asteur nos miniss’ Decro ni s’décid’rai tin in on d’joû à l’démoli, so prétext d’économie ?

A moins qu’laffaire n’intéress’rait l’one ou l’aûte entreprise flaminde !

 

Ont aussi leu p’tit’ histoir’ les ponts, les tchapelles, les gros bâtimints dont certains ponrin’esse qualifiè di tchestay, les calvaires, les scoles et nos’arrivins ainsi aux personnalitès qu’ont viquè à Forrîr’, les maisses di scole dont l’prèmi avé’v dèdjà fondè one chorale (Mr Pierlot), les machèr’sœurs, les méd’cins, les mayeurs, les curès, catégorie pu guett’ieuse.

 

Parmi zel’, qui ny s’sovynt do treuzin’ ; Mr l’abbé Tagnon, ardent patriote, dont le style oratoire n’avév’ d’égal qui s’corpulence. I l’a bramin recoradgé ses paroissiens è i tapév fwar contr’ les traficants avou les boches é contr’ les cis al religion et l’moral bwèteuse.

E alôrs, i terminév sovin si prédication pa s’fameuse conclusion «  Où allons-nous mes frères ? » en lèvant ses grans brès.

 

Ni rovian nin noss vi èglije su l’place dol gare, qu’estév surmontey don gros coq qu’a d’morè longtemps sins quaw’ su qui n’è nin fwar honorâb po on coq.